考試加油!加油!加油!

考試已經過左一半喇!
重有兩日，3C班小朋友要繼續努力呀! 
大家係呢兩日都表現好好，有努力溫習，努力考試，未到最後一刻都唔放棄，真係好好好好既表現! 
重有兩日比大家繼續發揮，將你學到既野展示比其他人睇! 林老師期待同大家慶祝既一刻架! 

加油!加油!Fighting!

考試打氣會

3年級係考試前開左個考試打氣會，為黎緊既考試加加油! 打打氣! 希望咀多位同學都會努力完成自己之前所定下既目標! 因為如果達成左目標，林老師會開多一個更大既慶祝會架!

多謝咁多位家長支持! 小朋友既成功，好大部份係你地既功勞黎架!

Christmas Party!

黎到放假前一日，又係一年一度既省德Christmas Party! 所有同學坐係禮堂唱唱歌，睇表演，又有獎抽! 真係好開心架! 之後返左上課堂，同同學一齊開大食會! 睇下!幾多家長同我地一齊4玩、一齊食! 當然唔少得既梗係林老師送比大家既聖誕禮物啦! 最後重有小朋友帶我地一齊唱返首聖誕歌!

聖 誕 快 樂 呀 !

多謝咁多位小朋友既聖誕卡!

十二月份生日會!

今次十二月份生日之星有卓賢同耀斌! 兩位小朋友生日快樂呀!
今次除左慶祝生日之外，重有樣特別事! 因為黎緊就係放聖誕及新年假，完左之後就係考試，所以3C同學都為假期制定自己既溫習時間表! 希望充分利用假期溫習，係考試拎到好成績!
林老師係度同大家講加油、努力! 小朋友咁叻! 一定有收獲架!

叻叻雪糕車!

哇!哇!哇! 成架雪糕車入左黎學校呀! 今次一定又係梁省德既小朋友做得好，陳校長叫左雪糕車入黎學校，請同學食雪糕! 3C班當然都做得好，都有得食雪糕啦! 睇下大家幾期待，幾開心! 要繼續努力，拎到更多獎勵呀!

十二月份慶祝會!

今次慶祝會係慶祝中默，英默，數小測既進步! 得到獎狀既同學愈來愈多，希望同學們繼續努力! 一次過拎到4張証書!

第二次展藝舞台!

展藝舞台又黎喇! 今次3C班都係好努力排練，我地唱擁抱愛，係愛回家既主題曲，因為我地3C班係一家人，互相幫忙，大家生活充滿左愛! 我地都希望將愛帶比每一位! 我地除左好多動作之外，重有好大個心，由全班同學一齊砌出! 好靚架! 當中重有兩位體操高手，紫慧同承諭既中場體操表演! 真係好叻!