TSA打氣會

哇哇哇! 做咩紅磚地有咁多小朋友同家長係度排隊既? 原來係因為陳校長請我地食棉花糖呀!
陳校長為左鼓勵3年級同學係黎緊既TSA加油，打打氣，就特別係朝早請晒全部3年級同學食棉花糖。

當日家長都有被邀請，因為家長既功勞都好大架! 同學們有家長既支持，都食得特別開心!

有咁多人支持我地，我地3年級一定會好努力架! 真係好多謝陳校長。
睇下，我地重創作左口號，為自己加油添!

人人有工做

我們全班同學一齊選出了上學期大家心目中表現得最好既5位最傑出員工! 
係上學期，全班同學都分工合作，為學校、老師、班房而努力! 
每一位同學都有一職，大家都盡力，表現得好好!多謝咁多位同學既付出，希望下學期大家會繼續努力! 個個都是傑出員工!

三年級特色體育課

學校特別為三年級安排上特色體育課呀! 今次主題係 - 欖球! 我地可以去到一個好大既欖球場度，有欖球總會既專業教練教我地欖球知識，真係好開心!!!!

大家都好比心機學習架! 傳波，走位，得分，樣樣都得呀! 我地學習左比賽既玩法!!! 黎緊重有個師生比賽等我地大顯身手!!!

遲D重有得去大球場...睇香港國際7人欖球賽，真係好期待!!!!!

1月生日會及慶祝會

1月份生日之星有紫慧同斯堯! 兩位小朋友~生日快樂!!! 今次我地重邀請左兩合家長上黎一齊食蛋糕! 佢地重好好咁幫手切添，唔該晒!

今次重有慶祝會，慶祝考試各科成績都有進步，由其係中文同數學! 各位小朋友做得好好呀! 要繼續努力! 為TSA做好準備!!!

常識科資優學習課程

學校又有資優課程比我地體驗喇! 今次去白鷺湖互動中心，一齊學習天文知識!大家都好開心!

我地入左個「菠蘿包」入面睇不同既星象，入面睇星星好靚架!之後重整左個香港星座圖，咁就隨時隨地都可以知到天上天有咩星星喇!

重利用儀器，睇到太陽添!