送花、留言、表心意

五月八日係「送花、留言、表心意」既日子! 母親節就黎到，敬師節就岩岩果左，適逢呢幾個節日，家長教師會就舉辦左呢個活動，讓小朋友可以係呢日同自己既父母、向尊敬既師長表達心意。

當日真係非常熱鬧呀，每個同學都好踴躍，為左送花比老師，周圍去尋找，老師們都深深感受到你地既心意! 真係好開心、好溫暖呀! 小朋友真好!!!

林主任都收到晒咁多小朋友既心意^^

水果日!

一年一度健康水果日又黎喇! 為左推廣健康飲食習慣，全部小朋友都有帶水果返黎，係午餐後一齊食水果! 大家都帶左唔同既水果返黎喎! 有D係自己鐘意食既，有D就帶左幾樣水果返黎，好開心呀!

為左更健康，大家每日都要食水果呀^^

TSA打氣會

就快到TSA喇! 但係3年級一早已經開始準備，所以我地一D都唔驚! 準備好為學校爭光! 

今日我地就為3年級所以同學打打氣!!! 加把勁!!! 

個個同學都寫低左自己目標，睇得出大家幾咁有信心!!! 加油呀!!

4月份慶祝會

復活節假期後，我地又正式上課喇! 同學係之前既積極學習都表現得好好! 為左獎勵大家，鼓勵小朋友繼續努力! 林主任獎勵每位小朋友都有一隻復活蛋!!!! 

當然，咁好既成績點止得小朋友有功勞，家長都有功勞架!!! 所以家長都有禮物，希望大家開開心心! !!

電子學習開始!!!

終於都到三年級喇! 除左早上補習、讀讀樂! 
3年級都開始早上電子學習喇! 我地都可以用學校提供既平板電腦，幫助我地學習! 同學都有機會利用新既學習方法，學習得更有趣，更有效! 大家都要繼續努力呀!

ICAN - 交出心來!

今日既ICAN課有個好特別既活動呀!!!! 就係交出心來，小朋友經過左一個課節，明白到身邊好多事物都可以由自己主動去幫助，令世界充滿愛!

大家而家就將其中一件好事畫係「交出心來」活動工作紙上面! 睇下! 大家都好比心機去做架! 個個作品都別出心裁!!!

國際體壇盛事觀摩 - 「香港國際七人攬球賽」

哇! 係香港大球場呀! 3年級同學早前上左特色體育課，今次就有得去到大球場睇世界各國代表比賽! 


睇下同學幾興奮，梗係啦，因為有得親身到場支持同感愛氣氛!

係香港隊出場呀!!! 所有同學都同香港隊加油，打氣!
今次真係一個難得既體驗，希望同學都係國際比賽中拎到經驗，更多元化學習，成長更全面呀。