班際欖球比賽

因為考試成績大躍進! 所以陳校長特別準許3年級舉行班際欖球比賽，比我地盡顯之前所學過既野，重可以同同級同學玩樂一番!

睇下我地幾認真預備!

比賽準備開始，3C班一定會出盡全力呀!

比賽中途，重加入左個特別環節，師生欖球比賽，大家都好投入架!

最後雖然落敗，但我地會繼續努力! 今次真係玩得好開心，希望快D有下次啦^^

6月份生日會+慶祝會!

考完試，3C班小朋友係各個科目都有進步呀! 實在太叻叻喇! 中、英、數、常係全年都不斷進步，大家都好努力! 好抵讚呀! 當然要慶祝一下，玩盡佢啦! 小朋友都好叻，玩就盡情玩，讀書就盡力溫習! 

今日都係慶祝生日既日子，6月份生日之星有承諭、曉恩，子進! 生日快樂!

今日重有冰條食添呀^^

考試+TSA前打氣會

考試就到喇! 而緊接考試既就係TSA喇!!!! 係咁重要既日子之前，我地梗係要打打氣，叉叉電，之後全力投入考試啦! 我地都急不及特為學校更光! 因為我地已經操練得好熟識，咩題目我地都唔會怕架!

好多謝咁多位家長既支持呀! 經常親身黎到學校為小朋友打氣!

我地重同校長申請左如果考得好，下年有得去睇電影呀!!!

咁熱既天氣，咁特別既日子，林主任就為大家預備左雪糕雪條! 小朋友食得幾開心! 

考試加油!

5月份生日會

今個月有兩位生日之星.... 就係美婷同埋盈綉喇! 兩位小朋友都著得靚靚返黎學校，兩位同學既家長重為佢地預備左大大既生日蛋糕! 重有宇晴家長預既咖哩魚蛋，美婷家長預備既雞翼，好好味架，小朋友真係有福呀^^

美婷、盈綉生日快樂!

午膳打機慶祝會

小朋友真係幸福呀! 成日都有不同既活動同獎勵去鼓勵同學去學習! 今次係咩? 就係打WII喇!! 全級3年級互相鼓勵，互相支持，真係好有活力呀! 重有唔夠一個月時間就考TSA，咁多位同學都要繼續努力!!! TSA一定得!!!

送花、留言、表心意

五月八日係「送花、留言、表心意」既日子! 母親節就黎到，敬師節就岩岩果左，適逢呢幾個節日，家長教師會就舉辦左呢個活動，讓小朋友可以係呢日同自己既父母、向尊敬既師長表達心意。

當日真係非常熱鬧呀，每個同學都好踴躍，為左送花比老師，周圍去尋找，老師們都深深感受到你地既心意! 真係好開心、好溫暖呀! 小朋友真好!!!

林主任都收到晒咁多小朋友既心意^^

水果日!

一年一度健康水果日又黎喇! 為左推廣健康飲食習慣，全部小朋友都有帶水果返黎，係午餐後一齊食水果! 大家都帶左唔同既水果返黎喎! 有D係自己鐘意食既，有D就帶左幾樣水果返黎，好開心呀!

為左更健康，大家每日都要食水果呀^^