聯合國國際和平日宣誓!

梁省德學生全校同學為聯合國國際和平日宣誓!!! 今日大家一齊讀出誓詞，為世界和平許下承諾，繼續努力! 大家重寫出心聲，希望其他人一齊努力!

到校長室拎公仔!

3C學生係各方面都做得唔錯，校長為左獎勵大家，比3C同學到校長室拎公仔，等大家更有活力上課! 每位同學都拎到架! 我地都會更比心機學習!

9月8日 中秋慶祝會!

今次係3C班既中秋慶祝會呀! 大家都有帶燈籠，一齊應節慶祝! 除左呢樣，都帶左生果、月餅，一於全班同學一齊過節，一齊分享喜悅! 要多謝咁多位家長既出席，希望下次見到更多既家長啦!

課室清潔日！

新學年，除了心態上準備外，當然都唔少得為學習環境準備啦～課室清潔日，係時候準備好課室，讓我們精精神神上課啦！

睇下大家幾努力︿︿

新學年! 師生親一親!

新學年開學~~~好開心見到咁多位小朋友！ 開學先同林老師玩返餐先!!! 大家都非常好，叫班口號又落力，玩遊戲都好投入！叻叻呀。我地以冠軍勝出比賽，黎緊一年要更加比心機！記得我地都可以得第一架！　３Ｃ寶寶加油！！！

記得我地既班口號！

3C個個係精英

IQ至高係至醒

尊敬師長無得頂

考試讀書係最勁YEAH!!!

開學注意事項！

新學年都有不同注意事項！大家要記清楚呀！

1. 1/9開學日
2. 1/9 - 8/9 適應週，放學時間１２時３０分
3. 1/9 - 5/9 穿著運動服回校
4. 帶練習薄 ( 不用寫名，會回校蓋名)
5. 帶作業 (請用原子筆寫好名)
6. 帶齊4色FILE 
7. 暑期作業 (已完成)
8. 帶學生相5張
9. 帶生活照 (如有)
10. 帶小息袋

祝新學年開學順利，學業進步！

新學年、新開始!

各位3C既家長、小朋友大家好呀！

我係你地黎緊既班主任 - 林健生老師！

唔知大家呢個暑假過成點呢？ 一定係好充實，好多姿多彩喇！

大家有無好好利用暑假鞏固以前所學，同埋學習更多不同知識呢？

黎緊１／９就係我地新學年開學大日子！

好期待來年跟大家一起學習！

先比大家睇下今年既中、英、數科任老師！

中：朱鳳儀主任

英：陳小玲老師

數：林健生老師

大家要好好學習呀！