11月20日~恭喜今個月生日既3位同學，包括凱霖、紫祺、卓琦! 今日除左有好多家長出席同生日同學慶祝之外，同學重有得玩遊戲，真係開心! 更加要多謝宇晴家長為大家準備左好好味既野食，大家又有口福喇!
祝大家身體健康，學業進步!
紫慧同斯堯 係岩岩過去左既星期六(8/11) 代表學校出去體操啦啦隊比賽! 睇佢地幾神氣同有台型! 真係好叻叻呀，希望佢地將得到既寶貴經驗係其他方面都表演到出黎! 繼續努力!
今個月慶祝會當然係慶祝測驗成績啦!
今次3C班係各方面都有進步，所以係慶祝會上面除左大食會之外，重同陳校長申請左係早上輕鬆一陣，玩玩小遊戲! 大家都玩得好開心呢!
不過3C班都仍然會繼續努力，將成績繼續提升! 係打氣過後，又繼續努力學習喇!
係中午食飯後，就由同學幫手派發零食比咁多位同學。
為左獎勵大家咁努力，林老師為每人都預備左益力多，似乎大家都幾鐘意喎!
多謝宇晴家長整既糕點! 大家都讚不絕口!
在十月，我們舉行了第一次展藝舞台，當日係班呼大比拼! 我地好有氣勢咁嗌出我地既班口號! 重邀請左家長同我地一齊表演! 大家都好開心! 我地重得獎添! 整個表演都係由學生親自主持同帶領，真係好叻叻架! 下次展藝舞台要繼續努力呀!
呢幾日每位同學早上一返黎就會去到圓台溫習，睇得出大家都好緊張測驗，希望得到好成績! 大家都要加油呀，相信努力一定會有回報! 老師和家長會同各位一齊努力!!!
3C個個係精英
IQ至高係至醒
專敬師長無得頂
考試讀書係最勁 YEAH!
祝大家都有好成績!
一年一度Halloween活動又黎喇! 今次有好多家長、學生一齊參與呀! 大家都扮鬼扮馬，裝扮到不同造型，真係開心。當然，除此之外，大家都有學英文既機會，要講得出英文生字先有糖拎架^^ 都為我地既測驗打打氣啦，因為30號開始就係測驗喇，各位同學加油!
恭喜卓琳得獎^^
多謝咁多位家長支持!!!!
10月22日，舉行左3C班測驗打氣會! 每位同學都拎住自己既目標紙，為測驗定下目標，向著目標奮鬥! 大家都精神奕奕! 我地重係食飯時間開左個小型打氣會，為大家補充能量! 我地充滿力量，努力奮鬥喇!
