三年級特色體育課

學校特別為三年級安排上特色體育課呀! 今次主題係 - 欖球! 我地可以去到一個好大既欖球場度，有欖球總會既專業教練教我地欖球知識，真係好開心!!!!

大家都好比心機學習架! 傳波，走位，得分，樣樣都得呀! 我地學習左比賽既玩法!!! 黎緊重有個師生比賽等我地大顯身手!!!

遲D重有得去大球場...睇香港國際7人欖球賽，真係好期待!!!!!

1月生日會及慶祝會

1月份生日之星有紫慧同斯堯! 兩位小朋友~生日快樂!!! 今次我地重邀請左兩合家長上黎一齊食蛋糕! 佢地重好好咁幫手切添，唔該晒!

今次重有慶祝會，慶祝考試各科成績都有進步，由其係中文同數學! 各位小朋友做得好好呀! 要繼續努力! 為TSA做好準備!!!

常識科資優學習課程

學校又有資優課程比我地體驗喇! 今次去白鷺湖互動中心，一齊學習天文知識!大家都好開心!

我地入左個「菠蘿包」入面睇不同既星象，入面睇星星好靚架!之後重整左個香港星座圖，咁就隨時隨地都可以知到天上天有咩星星喇!

重利用儀器，睇到太陽添!

考試加油!加油!加油!

考試已經過左一半喇!
重有兩日，3C班小朋友要繼續努力呀! 
大家係呢兩日都表現好好，有努力溫習，努力考試，未到最後一刻都唔放棄，真係好好好好既表現! 
重有兩日比大家繼續發揮，將你學到既野展示比其他人睇! 林老師期待同大家慶祝既一刻架! 

加油!加油!Fighting!

考試打氣會

3年級係考試前開左個考試打氣會，為黎緊既考試加加油! 打打氣! 希望咀多位同學都會努力完成自己之前所定下既目標! 因為如果達成左目標，林老師會開多一個更大既慶祝會架!

多謝咁多位家長支持! 小朋友既成功，好大部份係你地既功勞黎架!

Christmas Party!

黎到放假前一日，又係一年一度既省德Christmas Party! 所有同學坐係禮堂唱唱歌，睇表演，又有獎抽! 真係好開心架! 之後返左上課堂，同同學一齊開大食會! 睇下!幾多家長同我地一齊4玩、一齊食! 當然唔少得既梗係林老師送比大家既聖誕禮物啦! 最後重有小朋友帶我地一齊唱返首聖誕歌!

聖 誕 快 樂 呀 !

多謝咁多位小朋友既聖誕卡!