黎到放假前一日，又係一年一度既省德Christmas Party! 所有同學坐係禮堂唱唱歌，睇表演，又有獎抽! 真係好開心架! 之後返左上課堂，同同學一齊開大食會! 睇下!幾多家長同我地一齊4玩、一齊食! 當然唔少得既梗係林老師送比大家既聖誕禮物啦! 最後重有小朋友帶我地一齊唱返首聖誕歌!
聖 誕 快 樂 呀 !
多謝咁多位小朋友既聖誕卡!
今次十二月份生日之星有卓賢同耀斌! 兩位小朋友生日快樂呀!
今次除左慶祝生日之外，重有樣特別事! 因為黎緊就係放聖誕及新年假，完左之後就係考試，所以3C同學都為假期制定自己既溫習時間表! 希望充分利用假期溫習，係考試拎到好成績!
林老師係度同大家講加油、努力! 小朋友咁叻! 一定有收獲架!
哇!哇!哇! 成架雪糕車入左黎學校呀! 今次一定又係梁省德既小朋友做得好，陳校長叫左雪糕車入黎學校，請同學食雪糕! 3C班當然都做得好，都有得食雪糕啦! 睇下大家幾期待，幾開心! 要繼續努力，拎到更多獎勵呀!
今次慶祝會係慶祝中默，英默，數小測既進步! 得到獎狀既同學愈來愈多，希望同學們繼續努力! 一次過拎到4張証書!
展藝舞台又黎喇! 今次3C班都係好努力排練，我地唱擁抱愛，係愛回家既主題曲，因為我地3C班係一家人，互相幫忙，大家生活充滿左愛! 我地都希望將愛帶比每一位! 我地除左好多動作之外，重有好大個心，由全班同學一齊砌出! 好靚架! 當中重有兩位體操高手，紫慧同承諭既中場體操表演! 真係好叻!
11月20日~恭喜今個月生日既3位同學，包括凱霖、紫祺、卓琦! 今日除左有好多家長出席同生日同學慶祝之外，同學重有得玩遊戲，真係開心! 更加要多謝宇晴家長為大家準備左好好味既野食，大家又有口福喇!
祝大家身體健康，學業進步!
紫慧同斯堯 係岩岩過去左既星期六(8/11) 代表學校出去體操啦啦隊比賽! 睇佢地幾神氣同有台型! 真係好叻叻呀，希望佢地將得到既寶貴經驗係其他方面都表演到出黎! 繼續努力!
今個月慶祝會當然係慶祝測驗成績啦!
今次3C班係各方面都有進步，所以係慶祝會上面除左大食會之外，重同陳校長申請左係早上輕鬆一陣，玩玩小遊戲! 大家都玩得好開心呢!
不過3C班都仍然會繼續努力，將成績繼續提升! 係打氣過後，又繼續努力學習喇!
係中午食飯後，就由同學幫手派發零食比咁多位同學。
為左獎勵大家咁努力，林老師為每人都預備左益力多，似乎大家都幾鐘意喎!
多謝宇晴家長整既糕點! 大家都讚不絕口!
