測驗加油!

呢幾日每位同學早上一返黎就會去到圓台溫習，睇得出大家都好緊張測驗，希望得到好成績! 大家都要加油呀，相信努力一定會有回報! 老師和家長會同各位一齊努力!!!

3C個個係精英
IQ至高係至醒
專敬師長無得頂
考試讀書係最勁 YEAH!

祝大家都有好成績!

10月29日 Halloween活動!

一年一度Halloween活動又黎喇! 今次有好多家長、學生一齊參與呀! 大家都扮鬼扮馬，裝扮到不同造型，真係開心。當然，除此之外，大家都有學英文既機會，要講得出英文生字先有糖拎架^^ 都為我地既測驗打打氣啦，因為30號開始就係測驗喇，各位同學加油!

恭喜卓琳得獎^^

多謝咁多位家長支持!!!!

測驗打氣會!

10月22日，舉行左3C班測驗打氣會! 每位同學都拎住自己既目標紙，為測驗定下目標，向著目標奮鬥! 大家都精神奕奕! 我地重係食飯時間開左個小型打氣會，為大家補充能量! 我地充滿力量，努力奮鬥喇!

Make A Sandwich!

3C 小朋友有得係班房親手三文冶食呀!!!今次係同外籍英文老師上英文課，一路學英文一路整三文冶! 有得食又學習到英，好開心呀! yummy ^^ 大家都成功整到...

睇下個個同學幾開心... 

10月10日 旅行日

又係一年一度既旅行日，今次目的地係蝴蝶灣公園^^
今日天氣實在太好，有微風又有太陽，好適合去旅行呢! 大家帶左好多零食，又有大公園，又有3年級競技賽，又有跳繩，重有閃避球....多到數唔晒呀!!!!
大家過左開心又快樂既一日...回程時大家都好累喇^^

10月生日會!

10月生日會又黎喇! 今次主角係梓聰! 生日快樂呀...
今次都係有好多家長黎到同同學一齊分享喜悅，好開心呢...
多謝宇晴家長整左好好咪既野食，大家都好鐘意呀!
大家慶祝會果時重可以玩閃避球，多謝校長!

公益金便服日

30/9 日是公益金便服日，3C全班同學都有參與! 大家都著得靚靚返黎上堂，做左善事之外，又可以更有心機上堂，真係開心喇!

省德水運會

27/9 省德水運會，當日有好多學生同家長參與，配合好好既陽光，係開心又快樂既一日呀! 各位都好落力比賽，家長又投入參與，3C 班都有健兒，紫慧3年級已經係比賽中拎到獎項! 好叻叻架，希望將會有更多既同學投入游泳活動。