今個月有兩位生日之星.... 就係美婷同埋盈綉喇! 兩位小朋友都著得靚靚返黎學校，兩位同學既家長重為佢地預備左大大既生日蛋糕! 重有宇晴家長預既咖哩魚蛋，美婷家長預備既雞翼，好好味架，小朋友真係有福呀^^
美婷、盈綉生日快樂!
小朋友真係幸福呀! 成日都有不同既活動同獎勵去鼓勵同學去學習! 今次係咩? 就係打WII喇!! 全級3年級互相鼓勵，互相支持，真係好有活力呀! 重有唔夠一個月時間就考TSA，咁多位同學都要繼續努力!!! TSA一定得!!!
五月八日係「送花、留言、表心意」既日子! 母親節就黎到，敬師節就岩岩果左，適逢呢幾個節日，家長教師會就舉辦左呢個活動，讓小朋友可以係呢日同自己既父母、向尊敬既師長表達心意。
當日真係非常熱鬧呀，每個同學都好踴躍，為左送花比老師，周圍去尋找，老師們都深深感受到你地既心意! 真係好開心、好溫暖呀! 小朋友真好!!!
林主任都收到晒咁多小朋友既心意^^
一年一度健康水果日又黎喇! 為左推廣健康飲食習慣，全部小朋友都有帶水果返黎，係午餐後一齊食水果! 大家都帶左唔同既水果返黎喎! 有D係自己鐘意食既，有D就帶左幾樣水果返黎，好開心呀!
為左更健康，大家每日都要食水果呀^^
